Sunday, November 8, 2009

kali torong


Kali Torong kui, jembatan sing pertama, nek sko mbarowo arah solotigo lewat muncul. Kaline ombone skitar 6 meteran. Nek usum udan kali torong ki rame wong do njolo iwak sing moyek sko rowo. Jembatan kali torong ki pemandangane apik, mulakno kui akeh wong do nongkrong nang pinggir jembatan. Pemandangan arah kidul ki lembah gunung buntut Telomoyo karo tebing Nggertas, apik tenan. Pemandangan arah Wetan los jembar nonton rowo, nang mburine adoh ono perbukitan lipatan tuntang - sembir, sip tenan, sing pikirane cupet nek nongkrong kene dadi lego. Pemandangan arah kidul-wetan ki pucuk gunung Merbabu lan Telomoyo, kaling2 ngan buntut Telomoyo, ming keto pucuke tok. Pemandangan arah Lor kui Gunung Ungaran utuh sak ndeso ngisor gununge ketok lan mbarowo kuto. Pemandangan Arah kulon isih sawah, mburine adoh ki perbukitan lipatan Ngampin - Ndedor nyambung mubeng karo pereng Brongkol.
Pokoke pemandangan sko jembatan kali torong kui sip banget lah. Nek koe liwat kono mandego sedelo, tingak tinguk, nang jembatan, nonton lor kidul wetan kulon, mesti koe ra sido lungo, pingine nongkrong suwe karo ngombe kopi karo menikmati pemandangan. Kono kui pancen kerep ge foto-foto pre wedding, sebabe yo kui......pemandangane apik tenan.
Mulakne sekitar jembatan kali torong akeh wong nongkrong, ono sing ngalamun karo tingak tinguk, ono sing mancing, ono sing njolo, ono sing momong anake, ono sing sekedar mandek nonton ombone landscape lan apike pemandangan.

gambar; penghuni sawah sekitar kali torong: betik & kocolan